Donderdag Kuiertafel - Huisgenoot Afskopkonsert
Bespreek jou kuiertafel vir 'n groep van 6 mense. Julle sit by 'n biertafel met ses stoele voor die Hoofverhoog. Hierdie area het sy eie kroeg- en toiletgeriewe. Jou kuiertafelkaartjie word by die ingang na die kuiertafel-area geruil vir 6 armbandjies waarmee julle in/uit die area kan beweeg.
Hierdie kaartjies SLUIT NIE JOU HEKTOEGANGSKAARTJIES IN NIE. Koop asseblief steeds jou hektoegangskaartjies bykomend.
Hierdie is 'n rookvrye sone.
Voorskoolse- en laerskoolkinders onder 13 betaal nie feesterrein toegang nie, maar as hulle ouer as 2 is, benodig hulle wel 'n toegangskaartjie vir die Kuiertafel area.
🎟️ Ticket Prices:
Table of 6 - R1 210
Date
Innibos
Kom geniet die jaarlikse Innibos Laeveld Nasionale Kunstefees, vanaf 2–5 Julie in Mbombela (Nelspruit)!
Innibos is 'n volwaardige kunstefees wat musiek, teater, kuns, boeke en leefstylproduksies in verskeie venues in en rondom Nelspruit aanbied.
Die sentrale feesterrein by Hoërskool Bergvlam is oop vanaf 2 tot 5 Julie en is 'n belewenis met 'n skitterende hoofverhoogkonsert elke aand met van Suid-Afrika se topkunstenaars op die verhoog. Die Loof Hom Inniboskonsert vind op Sondagaand 5 Julie by Church Unlimited plaas. Daar is hope keurige stalletjies by die Bosmol en verskeie kuierverhoë met gewilde kunstenaars en hope vermaak vir jonk en oud. Daar is ook 'n pretpark en vir die kleingoed is daar Woelwaters met kinderteater en aktiwiteite.
Besoek www.innibos.co.za vir meer inligting. Hier is waar die feeskoors hoogty vier - mis dit op eie risiko!
Ouderdomsbeperking: Gesinsvriendelik. Senior burgers (65 jaar en ouer): R195 by Hek 1 en Hek 8 SLEGS op Donderdag 2 Julie (bewys van ouderdom vereis 'n ID- dokument of rybewys). Geen voorafverkope.
Kinders onder 13 wat die feesgronde bywoon, word gratis toegelaat, maar kaartjies is nodig vir gereserveerde sitplekopsies in die Bespreekte Area. Ouderdomsbeperkings vir individuele teaterproduksies en vertonings word in hul beskrywing en op die kaartjies aangedui.
Verbode items: Troeteldiere, eie alkohol/kos, vuurwapens, dwelms, groot sambrele of gazebo’s.
Toegelate items: Eie kampstoele, stootwaentjies, rolstoele of ander hulpmiddels vir mense met mobiliteitsbeperkings.
Parkering: Beperkte parkering op die feesgronde is te koop beskikbaar. / Gratis veilige en sekure parkering by I’langa Mall met gratis Hop en Stop (3 km en 10 minute se rit). / Privaat betaalde parkering by Nelspruit Primary oorkant die pad ook beskikbaar. Nelspruit Primary besprekings en navrae – zena@nelspruitprimary.co.za
Fasiliteite vir gestremdes: Die feesgronde is ongelyk en meestal onverhard, en is nie ideaal geskik vir rolstoele nie. / Toeganklike badkamergeriewe is beskikbaar. / Parkering vir gestremdes is beskikbaar. Bespreek asseblief by Andy by andy@innibos.co.za
(bewys van gestremdheid vereis, en parkeerplek is beperk).
Badkamergeriewe: Toiletgeriewe is volop en word op die kaart aangedui. / Babadoek-omruilgeriewe is beskikbaar.
Bewaring van items: Daar is ’n veiligbewaringsfasiliteit op die feesgronde genoem: Die Bêreplekkie